Frequently Asked Questions
1. Kuantu mi tin ku paga na interes serka CHB?
Miembronan di APNA ta bini na remarke pa un interes di 7,5%. Pa trahadónan den sektor privá e interes ta 9%.
2. Mi tin un debe atrasá. Mi por bini na remarke pa subi e montante di mi hipotek pa asina eliminá e debe atrasá?
Esaki no ta posibel. Si ta posibel pa hasi e periodo di pago mas largu. Den kaso ku no tin espasio pa esaki, e kliente mester drenta un areglo di pago. E kliente mester tuma kontakto ku nos Afdeling Incasso pa sa den su kaso kiko por hasi.
3. Kiko mi tin ku hasi pa hür òf bende mi kas?
Na promé lugá skirbi un karta pa CHB pa pidi aprobashon pa hasi esaki. Den kaso di hür ta importante pa tantu CHB komo e kliente pa sigui mantené e pago mensual. Pa bende un kas, e trámitenan mester tuma lugá via un notaris. Esaki na su turno lo sòru pa e montante di e debe wòrdu pagá na CHB na momentu ku e benta tuma lugá.
4. Kuantu mi por haña na hipotek serka CHB?
Esaki ta dependé di bo edat, salario i entradanan adishonal di bo i bo partner i e balor di ehekushon di e kas òf tereno.
Ø Den kaso ku e persona kier kumpra òf traha un kas i e tin 42 aña òf menos, su salario bruto ta wòrdu multipliká ku 30. Si e tin un partner, esaki su salario bruto tambe ta wòrdu tumá den konsiderashon. E salario mas haltu ta wòrdu multipliká ku 30 i esun mas abou ku 15. Den kaso ku e persona tin mas ku 42 aña e salario bruto ta wòrdu multipliká ku 25. Si e tin un partner, e salario mas haltu ta wòrdu multipliká ku 25 i esun mas abou ku 15.
Komo partner ta ser konsiderá: bo kasá òf un persona ku bo tin un kombenio notarial di bibamentu ku ne.
Ø Den kaso ku e persona kier kumpra un tereno no ta tene kuenta ku e edat; e salario mas haltu ta wòrdu multipliká ku 20 i esun mas abou ku 15.
Ø Entradanan adishonal ta wòrdu multipliká ku 10 basta trese prueba di esakinan.
Ø E suma máksimo ku un miembro di APNA por bini na remarke p’e ta 90% di e balor di ehekushon di e kas òf tereno. Pa trahadónan den sektor privá e porsentahe aki ta 70%.
5. Den kuantu tempu mi tin ku paga un hipotek na CHB bèk?
Pa kompra di tereno mester paga bèk denter di maksimó 15 aña. Pa kumpra òf traha un kas tin un maksimó di tempu di 30 aña dependiendo kuantu aña e persona tin. E edat maksimó pa paga un hipotek bèk ta 62 aña.
6. Kuantu ta e montante maksimó ku mi por fia na CHB?
Pa kompra di tereno e montante ta Fl. 75.000. Pa kumpra òf traha un kas
por yega te un maksimó di Fl. 300.000.
7. Mi ta haña but ora mi tin pago atrasá?
Si, e kliente tin ku paga 1% di interes pa luna riba e pago atrasá.
8. Mi a baha ku “wachtgeld”. Mi por bini na remarke pa redusí e pago pa luna?
Si, e kliente tin ku skirbi un karta pa CHB pa pidi redukshon. Si tin espasio, e por bini na remarke.
9. Kua ta e metanan ku mi mester tin pa bini na remarke pa un hipotek na CHB?
E metanan prinsipal pa un kliente bini na remarke pa haña un hipotek na CHB ta :
Ø Kompra di tereno
Ø Kompra di kas
Ø Kompra di tereno i traha kas mesora
Ø Traha kas ora bo tin un tereno kaba