Konstrui un Kas ku Hipotek
Konstruí bo propio kas ta un proseso hopi dinámiko i emoshonal. Komo futuro doño di bo kas bo ta mira bo kas krese for di e promé blóki te na e último halá di fèrf.

Meskos ku ora di kumpra un kas òf un tereno, tin algun faktor mashá importante pa tene kuenta kuné.

E montante mínimo di hipotek pa konstrukshon di kas ta F. 15.000,= mientras e montante máksimo ta F. 300.000,=. E montante di hipotek ku e persona por fia pa konstruí su kas ta dependé di su entrada.
Si ta nesesario, por tene kuenta ku plaka na man pa kuminsá konstruí òf kompletá konstrukshon di e kas.
Parsialmente ta tene kuenta ku entrada di e kasá òf partner, si e pareha ta biba huntu.
Si e pareha ta biba huntu, CHB ta eksigí un kontrato di kombibensia trahá pa un notario.
E regla básiko ta ku e montante ku mester paga bèk riba e hipotek, no ta permití pa surpasá 33% di e entrada nèto.
Montante di e hipotek no por ta mas ku 90% di balor di ehekushon di e kas ora e ta kla, ora ta trata un miembro di APNA i 70% ora ta trata un trahadó den sektor privá.
Balor di ehekushon ta balor di e kas si mester bende e kas na findishi.
Rapòrt di balorashon. Esaki ta un rapòrt den kual un eksperto riba balorashon di propiedat ta balorá e konstrukshon di e kas, ora e ta kla.
Durashon máksimo pa paga bèk un hipotek pa konstruí un kas ta 30 aña.
Otro faktornan pa tene kuenta ku kune ta:
Kondishonnan ku e tereno mester kumpli kuné.
Kon e kliente por disponé di e montante di hipotek pa konstruí su kas
Kiko ke men risibí plaka di hipotek via Depot.
Splikashon
Gastunan adishonal:
Gastunan di notario
Gastunan di seguro